Cawete -î

Li cawete -î et ses femrins -resse et (pus rålmint -ire) polèt siervi :

a des nos d' mestîs : ovrî, cinsî, banslî, tchertî, tchårlî, coibjhî, munujhî, boledjî, botchî.
a des nos di dmanants d' on viyaedje, d' ene måjhon : barakî, Transinî, Bouyonî, Curfotî, Clairmonî.
a totès sôres : bovrî, mestî.

Dins les noûmots, i plnut siervi :

I s' pout stitchî e chtoumuligne dins des sinsieusès cawetes, a môde di rwalonijhaedje, come li cawete -idî : bascolidî, tchetidî, tchinidî.

Ådvins

Li cawete omrinne -î vént del cawete latene -ariu.

Mins li femrin -resse ni rmonte nén å latén. Il a dandjreus skepyî sol cogne del cawete -resse dobe femrinne del cawete -euse. ^[1]

E rfondou, on-z a ptchî di relire eto li cawete -resse. C' est l' seule k' on rtrove dins les noûmots. Mins li cawete -ire dimane po les mots avou ene dobe cossoune å coron (po n' nén aveur troes cossounes ki s' sujhèt) : tchårlire, coibjhire.

Candjmint del cawete -î et di s' femrin ezès accints do walon.

Li cawete -î est cåzu sins bodjî so tote li Walonreye. ^[2]

Po les mots "classikes", li femrin avou "-resse" est foirt lådje oyou. ^[3]

So les aschates walon-picård et walon-gåmès, on-z a eto -ière (cinsière).