Bas Payis


Bas Payis
Nederland
Drapea des Bas Payis Åres nåcionåles des Bas Payis
(Detays) (Detays)
Divize nåcionåle: Je Maintiendrai
Eplaeçmint des Bas Payis sol bole daegnrece
Lingaedje oficir neyerlandès, frizon
Mwaisse-veye Amsterdam, mins l' sidje do govinemint est al Hague
Royinne Beatrix
Prumî minisse Jan Peter Balkenende
Sitindêye

 - Totåle
 - % aiwe

 Classé 131inme

41.526 km²
18,41%
Populåcion

 - Totåle (2004)
 - Dinsité

 Classé Xinme

16.318.000 dimorants
393 djins/km²
Indepindince

 - Declarêye
 - Ricnoxhowe

 del Sipagne

23 d' may 1568
30 di djanvî 1648
Manoye Euro (EUR)
Coisse d' eureye UTC +1
Imne nåcionå Wilhelmus van Nassouwe
Dominne Internet .NL
Indicatif telefonike 31
Pays-Bas

Les Bas Payis (on dit sovint, tot s' brouyant, li Holande), c' est èn estat metou a Bijhe del Beldjike, k' a stî sovint raloyî avou leye des trevéns d' l' istwere.

I s' ont pårti podbon e 1830, al Revolucion braibonresse.

I s' ont rmetou eshonne, economicmint, tot-z askepiant l' Beneluss, do côp après l' guere di 1940-1945, ki fourit l' nawea do Cmon Martchî a shijh (1957).

Ådvins

Lingaedjes

  • Neyerlandès : lingaedje oficir, basti dispu l' 15inme sieke sol holandès, li tîxhwès braibançon eyet l' flamind, et k' l' ortografeye d' asteure a stî ehåyeye e 19inme sieke.
  • Lingaedjes coinreces :
    • frizon : ricnoxhou statut, deus eures par samwinne dins l' province del Frize coûtchantrece. Davance, eto cåzé el Province di Groningue (Frize levantrece).
    • limbordjwès : dins l' province di Måstrik.
    • plat tîxhwès (platdüüsk) sol limodje di l' Almagne, inte li Limbork eyet l' Frize.

Istwere

Li Beldjike et les Bas-Payis d' ouy fôrmént les Bas Payis bourguignons (15inme sieke), pu espagnols (16inme sieke)

Mins, après l' guere di cwatru-vints ans (1568-1648), les Bas Payis do Nôr divnît on dislaxhî payis (Republike des Set Bas Payis Unis), ki va viker disk' e 1795.

E 1795, les Francès s' rindît mwaisses de facto et-z askepyî on "payis-poplinete" lomé "Republike batave" (1795-1806), pu "Rweyåme di Holande" (1806-1810). Ci-cial fourit govierné pa Louwis -Napoleyon Bonapåre, li fré da Napoleyon.

De 1810 a 1813, les Pays-Bas divnît on boket del France.

Di de 1813 a 1815, i fourît lomés "Principåté".

Al fén, e 1815, i fourît rashonnés ås ancyins Bas Payis otrichyins et al Principåté d' Lidje dizo l' alomåcion di Rweyåme Uni des Bas Payis.

I pierdît l' boket metou nonnrece di cisse sitindêye la, ki divna l' Beldjike al Revintreye di 1830. Li Grande Dutcheye do Lussimbork esteut då Rwè d' Holande, mins nén del Holande.

Tins del guere 1914-1918, les prijhnîs bedjes ont stî resserés dins des camps el Holande.

Impire colniå

Les Bas Payis estént mwaisses d' impire colniå, la k' gn a veut :

  • li Gwiyane holandesse (asteur Sourinam)
  • les Indes neyarlandesses (les "ziverkôfs"), asteure l' Indonezeye.
  • Des cinsîs holandès si setlît eto e l' Nonne-Afrike ey el Namibeye d' asteure.

Rilomêyès djins des Bas-Payis

Loukîz eto : Sicrijheus e neyerlandès







stock | retire | vm
Why are we here?
All text is available under the terms of the GNU Free Documentation License
This page is cache of Wikipedia. History