Portal:Carcin

Portal de Carcin

Carcin [karˈsi ~ kɔrˈʃi] (en francés Quercy) es una region culturala e istorica d'Occitània. S'alarga sus l'airal d'influéncia de l'antica ciutat galla dels Cadurcs (Cadurci en latin), anant de Solhac a Montalban en passar per Fijac. L'etimologia de Carcin ven del latin Cardurcínum, tirat del nom dels Cadurcs. Carcin coïncidís amb lo departament d'Òlt e amb la part del departament de Tarn e Garona situada al nòrd de Garona. La capitala istorica es Caors. Las vilas majoralas son Caors, Montalban e Fijac. Lo gentilici es carcinòl -a.

[ modificar ]

Lum sus...

Lo carcinòl es lo parlar occitan de Carcin. Es una subdivision del lengadocian, e mai precisament del nòrd-lengadocian.

Lo carcinòl es tradicionalament subdevesit entre naut-carcinòl e bas-carcinòl.

D'unas divisions suplementàrias destrian:

lo bas-carcinòl (o ribieirenc)
lo naut-carcinòl:
- lo carcinòl mejan (o caussanèl caorsin)
- lo nòrd-carcinòl (o dordonhenc)
- lo fijagòl (o segalin)

La diferéncia màger entre los parlars carcinòls es la prononciacion de l'a atòna, que lo bas-carcinòl sèrva [a] e lo naut-carcinòl pronóncia [ɔ].

Aquelas classificacions, per interessantas que sián, devon pas far oblidar que los traches distintius del carcinòl son pas especifics d'aquel parlar. Se tròban dins d'unes parlars vesins o londanhs, lengadocians o pas.