Виница

Виница

Знаме

Грб

Локација

Виница на картата на Македонија

Координати : 41°52′С 22°30′И
Временска зона : CET (GMT +1)
- лето : CEЛT (GMT +2)

Општи податоци

Име

Виница

Поштенски код

2310

Повикувачки број

(+389) 033

Автомобилска ознака

ŠT

Официјално мрежно место

opstinavinica.gov.mk

Историја

Стари имиња

Винеа
Винце

Управа

Држава

Република Македонија

Општина

Виница

Градоначалник

Емил Дончев (ВМРО-ДПМНЕ)

Географија

Население

Население

10.863 (2002)

Густина

46,08 ж./km² (2002)

Етнички групи

Македонци

Виница е град во источниот дел на Македонија, и центар на Општина Виница. Градот имал 10.863 жители според пописот од 2002.

Потекло на името

Името Виница потекнува од зборот вино, бидејќи подрачјето на Виница во минатото било познато по своите лозови насади. На теракотните икони пронајдени на локацијата Виничко Кале, името на градот е запишано како Винеа или Винце.

Географија

Карта на градот Виница

Градот Виница се наоѓа во подножјето на планината Плачковица, помеѓу планините Голак и Обозна, во југоисточниот дел на Кочанско-виничката котлина, на северниот брег на реката Брегалница. Низ Виница течат и повеќе помали реки, меѓу нив и реките Виничка и Градечка. Градот Виница е познат по исторската римска тврдина Виничко Кале, која се наоѓа на ридот над градот. Во неа се пронајдени познатите ранохристијански теракотни икони.

Историја

Подрачјето на Виница било населено во времето на неолитот (од 12 до 6 век п.н.е.), според пронајдените материјали од Виничко Кале и околните археолошки локации. Во антиката, подрачјето го населиле Пејонците. Сегашниот град потекнува од Византиска тврдина, која била центар на производство со вино. Лозните насади на виничкиот рид биле напуштени по 1980 кога поактивно започнале археолошките истражувања. ^[1]

Култура

Црква „Св. Архангел Михаил“ - Виница

Поглед кон Виница од Јакимово

Црква „Св.Јоаким Осоговски“ - Виница

Во Виница има две основни училишта ОУ „Славчо Стојменски“ и ОУ „Гоце Делчев“, едно средно училиште СОУ „Ванчо Прке“ и градската библиотека „Ванчо Прке“ која е изградена во 1946. Во градот дејствува и домот на културата „Тошо Арсов“ кој е центар на сите културни случувања, кино сала, детска градинка, здравствен дом, базен, метеоролошка станица, музеј „Теракота“ и центар за едукација на деца и млади. Во гардот има две православни цркви, градската црква посветена на “Св.Архангел Михаил„ и црквата “Св. Јоаким„ во Јакимово. Заштитник на градот Виница е Архангел Михаил. Во Виница дејствуваат две музички групи, Распеани Виничани и Јана, и фолклорна група Китка.^[2]^[3]

Во околината на Виница и во самиот град постојат следниве археолошки локалитети:

Виница, средновековна населба.
Пазариште, населба од римското време.
Виничко кале, утврдена населба од доцноантичкото време.
Горица, населба од доцноантичкото време и старохристијанска базилика.
Ила, некропола од железното време.

Население

Според пописот на населението од 2002, Виница има 10.863 жители.^[4] Етничкиот состав на населението во градот Виница е:^[4]

Македонци - 9.706 (89,84%)
Роми - 809 (7,49%)
Турци - 216 (1,99%)
Власи - 101 (0,93%)
oстанати - 31

Стопанство

Главни гранки на стопанството во Виница се земјоделството и текстилната индустрија. Најмногу се одгледува житната култура ориз, која е значителна за Виничко-кочанската котлина. Во минатото населението се занимавало со одгледување на грозје и производство на вино. Од индустриските гранки најзастапени се текстилната и мебелната индустрија, а во Виница има и фабрика за призводство на земјоделска механизација „Агро Бар“ и фабрика за покривен цреп „Тондах“. Меѓу поголемите претпријатија се „Виничанка“, „Винка“, „Трико“, „Треска“ и „Мебел-Ви“. Во градот има голем број на продавници, кафулиња, ресторани, ноќен клуб и три хотели.

Според обштинскиот гласник, во Виница има 4000 вработени лица.

Природни ресурси

Градот располага со богат растителен и животински свет. Подрачјето овозможува одгледување на култури, како што се оризот, пченицата и пченката, а во повисоките подрачја е богат со пасишта и шуми. Градот има богати насади со дрво од вид топол и орев. Виница е богата со термоминерални води, а подрачјето на градот Виница содржи голем број минерали, како шо са: интрузивните камења-гранит, кварцот, фелдспатот, глината, карбонатот (лапорец), азбестот и железото.

Шуми 21,732 ХА
Пасишта 11,894 ХА
Обработлива површина 9,341 ХА

Медиуми

Градот има локална телевизијска станица “ТВВ“ (Телевизија Виница), која го покрива регионот на Виница и Кочани. Во Виница има и една радио станица, “Радио Лакоста“ и гратски месечен весник “Винеам“.

Спорт

Виница има еден фудбалски клуб, кој бил формиран во 1934 г, под името “Плачковица„. Клубот подоцна се викал Слога Виница, а денеска се вика “Филип II-Слога„. Во Виница има и Кошаркарски клуб “Славчо Стојменски„, карате клуб “Блатец„ и бадмингтонски клуб “Винчини„. Градот поседува спортска сала, стадион, и градско капалиште со два базени.

Виница беше домаќин на “младинското светско првенство во ракомет за жени„, кое се одржа од 21. јули до 3. август 2008 година.