Unio Rerum Publicarum Sovieticarum Socialisticarum

Союз Советских Социалистических Республик
Sojuz Sovetskich Socialističeskich Respublik

(Vexillum Unionis Sovieticae) (Insigne Unionis Sovieticae)
Sententia nationalis: Пролетарии всех стран, соединяйтесь! (Proletarii vsech stran, sojedin'aites'!) "Omnium terrarum proletarii, coniungite!!"
Caput	Moscua
Lingua publica	Non erat (Lingua Russica erat lingua communicationis internationalis.)
Ambitus (1991)	22 402 200 km²
Incolae (1991)	293 047 571 incolarum
Condita	30 Decembris anno 1922
Dissoluta	26 Decembris anno 1991
Moneta	Rubelus Unionis Sovieticae
Hymnus nationalis	Internationalis hymnus (ad annum 1944), Hymnus Unionis Sovieticae (ab anno 1944)
Interretis abbreviatio	.su

Unio Rerum Publicarum Sovieticarum Socialisticarum ^[1], seu Unio Rerumpublicarum Socialisticarum Sovieticarum^{[2] [3]} (Russice: Союз Советских Социалистических Республик, Sojuz Sovetskich Socialističeskich Respublik), brevius Unio Sovietica ^[4] (Russice: Советский Союз, Sovetskij Sojuz) vel URSS^[2] (Russice: СССР, SSSR) nominatur, in Europa orientali et Asia boreali centralique sita, fuit maxima mundi civitas usque ad annum 1991 cum dissoluta est.

URSS ab anno 1954 usque ad annum 1991 15 res publicas includebat. Quarum maxima erat Russia, illo tempore Russica Sovietica Foederativa Socialistica Res Publica (RSFSR) nominata. Sovieticae Unionis caput erat Moscua.

URSS rectionis genus erat socialismus cuius meta professa erat illam Unionem in Civitatem communisticam transformare. Factio regnatrix erat Factio Communistica Unionis Sovieticae.

Index 1 Historia 1.1 Expansio 1.2 Bellum Orbis Terrarum II 1.3 Bellum Frigidum 2 Nota 3 Vide etiam

Historia

Expansio

30 Decembris anno 1922 sovieticae socialisticae res publicae Russia, Ucraina, Ruthenia Alba et Foederatio Transcaucasica Rerum Publicarum Socialisticarum Sovieticarum Unionem creaverunt. Deinde ceterae terrae etiam factae sunt res publicae Unionis Sovieticae:

• 1925 – Turcomannia et Uzbecia (formatae post terminationem nationalem rerum publicarum sovieticarum Asiae Centralis);
• 1929 – Tadzikistania (quae antea fuerat res publica autonoma in Uzbecia);
• 1936 – Adrabigania, Armenia, Georgia (quae factae sunt rei publicae separatae post abolitionem Foederationis Transcaucasicae), Casachia et Chirgisia (quae antea fuerant rei publicae autonomae in Russia);
• 1940 – Estonia, Lettonia, Lituania (quae antea fuerant rei publicae sui iuris) et Moldavia (formata ex re publica autonoma Moldavorum, quae antea pars Ucrainae fuerat, et partis maioris Bessarabiae, quae annis 1918 – 1940 pars Romaniae fuerat).

Ob Bellum Sovieto-Finnicum (annis 1939–1940, etiam "Bellum Hiemale" dicitur) pars Finniae est ad Unionem Sovieticam adiuncta et inclusa in illo tempore formatam Carelo-Finnicam Sovieticam Socialisticam Rem Publicam (quae anno 1954 facta est res publica autonoma Carelica in Russia).

Bellum Orbis Terrarum II

Postquam Germania die 1 Septembris anni 1939 Poloniam invasit ^[5], Bellum Orbis Terrarum II incipiens, copiae Unionis Sovieticae die 17 Septembris anni illius etiam in terram illam incursaverunt ^[6]. Unio Sovietica publice dixit sola ea invadere ne Germani totam Poloniam capessant^[7]. Per pactum abstrusum, Germania et URSS Poloniam inter se dividerunt, et terrae hodiernarum Rutheniae Albae Ucrainaeque occidentalium factae sunt pars Unionis Sovieticae ^[8].

Die autem 22 Iunii 1941, copiae Germaniae Unionem Sovieticam invaserunt. Bellum Magnum Patrium incepit, quod detrimentum enorme affecit. URSS cum auxilio Civitatum Foederatarum et Regni Britannici tandem Germaniam anno 1945 vicit. Post victoriam illam Unio Sovietica cum Civitatibus Foederatis Americae et aliis terris contra Iaponiam bellabat et recuperivit territoria, anno 1905 ab Imperio Russico perdita.

Bellum Frigidum

Anno 1945, URSS fuit unus ex principalibus Consociationis Nationis conditoribus.

Post finem Belli Orbis Terrarum II accidit oppositio inter nationes "socialisticas", (quarum primaria erat Unio Sovietica) et "capitalisticas" (quarum principalis erant Civitates Foederatae Americae), "Bellum Frigidum" vocatur. URSS adiuvabat regimina, quae declaraverunt intentionem constructionis socialismi in terris suis (in Corea Boreali, Cuba, Vietnamia, Afgania, etc.).

Illo tempore progressus scientiae technicaeque in Sovietica Unione valens erat, e.g.:

• 1954 – creata est prima in mundo officina electrica nuclearis.
• 1957 – creatus est primus satelles (sputnik ipso vulgo) artificialis Terrae.
• 1961 – perfectus est primus volatus hominis (viri nomine Georgius, ipso vulgo Iuri, Gagarin) in spatium cosmicum.

Anno 1991, URSS dissoluta est. Mense Decembris eodem anno praesidibus Russiae, Ucrainae, et Concilii Supremi Rutheniae Albae dissolutionem Sovieticae Unionis approbantibus, conventionem de creatione Independentium Civitatum Foederationis subscripserunt.

In Nationum Consociatione, Rerum Publicarum Socialisticarum Sovieticarum Unionis successor est Russia.

Nota

1. ↑ [1]
2. ↑ ^{2.0 2.1} versio interretialis (pdf) apud www.scientia.nl
3. ↑ Unio hunc sensum habet secundum PONS Wörterbuch des neuen Latein: Deutsch-Latein (Editio theodisca lexici recentis latinitatis, Deutsche Ausgabe von Lexicon recentis latinitatis. Klett: ISBN 3-12-517522-4)., ubi Unio Europaea adhibetur, sed Consociatio melius quam Unio potest Sojuz significare, vide Disputationem.
4. ↑ NUNTII LATINI apud www.centrumlatinitatis.org
5. ↑ The Second World War"
6. ↑ Fischer, Benjamin B., "The Katyn Controversy: Stalin's Killing Field", Studies in Intelligence, Winter 1999–2000.
7. ↑ Citatio desiderata (addito fonte, hanc formulam remove)
8. ↑ The Second World War"

Vide etiam

• Sovieti
• Factio Communistica Unionis Sovieticae
• Vladimirus Lenin
• Iosephus Stalin

stock | retire | vm
Why are we here?
All text is available under the terms of the GNU Free Documentation License
This page is cache of Wikipedia. History