Lingua Russica


Vicipaedia:Latinitas
Lingua Russica
русский язык
IPA: [ ˈruskʲɪj jɪˈzɨk ]
Taxinomia: Linguae Indoeuropaeae

 (Linguae Baltoslavicae)
  Linguae Slavicae
   Linguae Slavicae Orientales
    Lingua Russica
Locutores: 260 000 000
Sigla: 1 ru, 2 rus, 3 rus
Status publicus
Officialis Russia, Ruthenia Alba, Casachia, Chirgisia
Privata Russia, Ucraina, Ruthenia Alba, Casachia, Moldavia, Armenia, Israel, Lettonia, Estonia, Chirgisia et aliae
Scriptura: Cyrillica
Procuratio: Academia Scientiarum Russica
Huic imagini nondum est descriptio, quaesumus descriptionem addas.
Familiae linguisticae coloribus Vicipaedicis pictae
Tabula distributionis linguae Russicae in mundo

Lingua Russica (Russice: русский язык, russkij jazyk), etiam lingua Rossica, Ruthenica seu Russa nominatur, est lingua Russorum, ex linguis Indoeuropeis, sub familia Slavica subsummata. Cum lingua Ruthenica Alba et lingua Ucrainica Slavicum orientale format.

Lingua Russica est lingua natalis pro circiter 160 decies centena milia hominum in mundo, linguarum Slavicarum divulgatissima. Lingua publica Russiae, Rutheniae Albae, Casachiae et Chirgisiae est. CN linguam Russicam (cum quinque aliis linguis) pro lingua officiali habent.

Lingua Russica divulgata est in Russia, etiam in aliis rebus publicis, quae erant partes Unionis Sovieticae (in qua terra hac lingua pro communicatione internationali utebantur).

Index

Historia

Lingua Russica genuit saeculis XIV–XV ex lingua Ruthenica Antiqua (Slavica orientali, saeculis VII–XIV exsistebat), ex qua lingua etiam linguae Ucrainica et Ruthenica Alba originem suam ducunt.

Hodierna lingua Russica litteraria formata est saeculis XVIII–XIX.

Abecedarium

Abecedarium linguae Russicae genuit ex alphabeto Cyrillico, cuius mutationis causa formam suam hodiernam accepit. Modus scribendi litterarum alphabeti Russici nostri temporis inductus est reformationis a Petro I annis 1708 – 1710 perfectae gratia. Post exclusionem nonnullorum signorum Cyrillicorum initialium et additionem 4 litterarum novarum, abecedarium Russicum nunc habet 33 litteras:

А а
/a/		 Б б
/b/		 В в
/v/		 Г г
/g/		 Д д
/d/		 Е е
/jɛ/		 Ё ё
/jo/		 Ж ж
/ʐ/		 З з
/z/		 И и
/i/		 Й й
/j/
К к
/k/		 Л л
/l/		 М м
/m/		 Н н
/n/		 О о
/o/		 П п
/p/		 Р р
/r/		 С с
/s/		 Т т
/t/		 У у
/u/		 Ф ф
/f/
Х х
/x/		 Ц ц
/ʦ/		 Ч ч
/ʨ/		 Ш ш
/ʂ/		 Щ щ
/ɕː/		 Ъ ъ
/-/		 Ы ы
/ɨ/		 Ь ь
/◌ʲ/		 Э э
/ɛ/		 Ю ю
/ju/		 Я я
/ja/

Grammatica

Morphologia

Nomina

Nomina substantiva linguae Russicae habent:

  • tria genera: masculinum, femininum, neutrum
  • duo numeros: singularis et pluralis
  • sex casus: nominativus, genetivus, dativus, ablativus (instrumentalis), accusativus, praepositionalis
  • tres typos declinationum

Adiectivi

Nomina adiectiva in lingua Russica duo numeros, sex casus et in numero singulari tria genera habent. Typi declinationis sunt duo.

Pronomina

In lingua Russica sunt:

  • pronomina personalia: tres personae, duo numeri, sex casus et (in persona tertia numeri singularis) tria genera
  • pronomen reflexivum: quinque casus (sine nominativo) habet
  • pronomina possessiva: tres personae, tria genera, in personis prima et secunda sunt duo numeri et sex casus
  • pronomina interrogativa-relativa: "кто" ("quis") et "что" ("quid") habent sex casus; pronomina "какой" ("qualis", "qui"), "каковой" ("qualis"), "который" ("qui", "quotus"), "чей" ("cuius") etiam habet duo numeros et tria genera in numero singulari; pronomen "каков" ("qualis") tria genera habet, sed non declinatur
  • pronomina demonstrativa: duo numeri, sex casus, in numero singulari etiam tria genera
  • pronomina determinativa: duo numeri, sex casus, in numero singulari etiam tria genera
  • pronomina negativa: per praefixa significationis negativae "не" et "ни" de pronominibus interrogativis formantur, simili modo declinantur

Numeralia

Numeralia linguae Russicae sunt:

  • cardinalia: sex casus habent; numeralia "один" ("unus"), "два" ("duo") et "оба" ("ambo") genera habent
  • ordinalia: tria genera et sex casus habent, modo nominum adiectivorum declinantur.

Verba

Verbum in lingua Russica habet:

  • tres personas
  • tria tempora: praesens, praeteritum, futurum
  • tres modos: indicativus, imperativus et coniunctivus
  • duo genera: activum et passivum
  • duos aspectus: imperfectivus et perfectivus
  • duos numeros
  • duos typos coniugationum plus verba isolata, quae modo speciali coniugantur

In numero singulari temporis praeteriti verba linguae Russicae habent formas generum masculini, feminini et neutri.

Syntaxis

Positio verborum communis in sententiis linguae Russicae est subiectum ante praedicatum ante obiectum. Sed ordo verborum in hac lingua relative non pergravis est, quia relationes verborum per flexiones monstrantur.

Vocabularium

Lingua Russica nunc circiter 350 – 500 decies centena milia verborum habet.

Fontes

Wikipedia
Vicipaedia in Lingua Russica
sex





stock | retire | vm
Why are we here?
All text is available under the terms of the GNU Free Documentation License
This page is cache of Wikipedia. History