Moscua
Moscua,[1] sive Mosqua,[1] Moscovia,[1] Muscovia,[2] Moscha,[3] et vulgo Moskva (Russice: Mocква), est caput Russiae, urbs dignitatis foederalis, et metropolis Medii Foederalis Pagi et Regionis Moscuensis.
Index |
Geographia
Urbs in Europa orientali considit, ad flumen Moscum (etiam Moscua dictum), quod urbi nomen dedit.
Numerus civium
Moscua, 10 472 629 incolarum anno 2006 habens, e? quantitate habitantium est maxima Russiae totiusque Europae urbs et sexta maximarum urbium mundi.
Incolae urbis (Moscovitae vocantur) ut plurimum sunt gentis Russorum (84,83 %). Moscuae etiam habitant homines multarum aliarum gentium: Ucraini (2,44 %), Tartari (1,60 %), etc.
Religio
Incolae religiosae Moscuae praesertim sunt Christiani Orthodoxae, cum repraesentes aliarum religium? (e.g. Musulmani) hac in urbe multi sunt.
Moscuae residit archiepiscopus Ruthenicae (Russicae) Ecclesiae Orthodoxae—Patriarcha Moscuensis et totius Rutheniae.
Oeconomia
Moscua est magnum industriae sedes (e.g. constructionis machinarum et metallurgiae) et mercaturae, ubi sita est publica mediae Russiae mensa.
Transportatio
Urbs tres portus fluviales, quosdam aeroportus, novem stationes ferriviarum et subterferriviam habet.
Scientia et cultura
Moscua est valens scientiae culturaeque sedes. Multas universitates studiorum (quarum maxima est Universitas Publica Moscuensis), theatra et musaea habet. Hac in urbe sita sunt multa monumenta historiae et culturae.
Historia
Anno 1147 Georgius, tunc dux Susdaliae (et dein dux Kioviae), socium suum (ducem Novogardiae Severiae) Moscuam invitaverat et ibi concilium cum eo habuit. Testimonium chronicale de evento illo est commemoratio prima huius urbis in annalibus. Idcirco annus 1147 declaratus est tempus officiale fundationis Moscuae, et dux Georgius aestimatus est sicut eius conditor.
Anno 1238, Mongolo-Tartari Moscuam deleverunt, sed ea renata est.
Haec urbs anno 1260 facta est caput Moscoviae (ducatus Moscuensis), quae saeculo XIV ascendit et saeculis XIV–XVI multos ceteros ducatus Ruthenorum adiunxit et sic regnum Russicum formavit.
Anno 1712, Petrus I, monarcha Russicus, caput regni Petropolim transtulit, sed Moscua valens urbs Russiae remansit.
Ab anno 1918, urbs caput Russiae Sovieticae et ab anno 1922 etiam caput Unionis Sovieticae erat.
Anno 1991, post desintegrationem? URSS, Moscua facta est caput Russiae sui iuris.
Vide etiam
Notae
- ↑ 1.0 1.1 1.2 J. G. Th. Graesse, Orbis Latinus. Dresdae: [ex aedibus] Schönfeld, 1861. html pdf
- ↑ http://www.britannica.com/dictionary?va=muscovite
- ↑ Moscovia, et Moschovia (pagina e Lexico Universali Hofmanni)
Nexus externi
 |
Vicimedia Communia plura habent quae ad Moscuam spectant. |
stock | retire | vm
Why are we here?
All text is available under the terms of the GNU Free Documentation License
This page is cache of Wikipedia. History