29. júní

29. júní er 180. dagur ársins (181. á hlaupári) samkvæmt gregoríska tímatalinu. 185 dagar eru eftir af árinu.

Atburðir

1149 - Nur ad-Din vann sigur á furstadæminu Antíokkíu í orrustunni við Inab.
1198 - Páll Jónsson biskup lýsti yfir helgi Þorláks biskups Þórhallssonar fyrirrennara síns.
1613 - Leikhús Shakespeares, The Globe í London, brann til kaldra kola eftir að neisti barst úr fallbyssu við sýningu á Hinriki VIII.
1632 - Gísli Oddsson var kjörinn Skálholtsbiskup á Alþingi.
1700 - Friðriki 5. konungi unnir trúnaðareiðar á Alþingi.
1776 - Spænskir trúboðar vígðu kirkjuna Mission Dolores þar sem síðar reis borgin San Francisco.
1802 - Fyrsti dómur Landsyfirréttar kveðinn upp.
1912 - Nýja bíó í Reykjavík hóf kvikmyndasýningar á Hótel Íslandi.
1941 - Flutningaskipinu Heklu var sökkt er það var á leið frá Íslandi til Bandaríkjanna. Talið var að þýskur kafbátur hefði verið að verki. Fjórtán manns fórust en sex björguðust eftir tíu sólarhringa hrakninga á fleka.

1951 - Ísland sigraði Svíþjóð í landsleik í knattspyrnu 4:3. Ríkharður Jónsson skoraði öll mörk Íslands.
1952 - Ásgeir Ásgeirsson var kjörinn forseti Íslands.
1957 - Gústaf Adolf 6. konungur Svíþjóðar og Lovísa drottning komu í þriggja daga opinbera heimsókn.
1960 - Mannbjörg varð er flutningaskipið Drangajökull sökk í Pentlandsfirði norðan Skotlands.
1964 - Krabbameinsfélag Íslands opnaði leitarstöð í Suðurgötu í Reykjavík. Hún var síðar flutt í Skógarhlíð.
1974 - Isabel Perón varð forseti Argentínu eftir lát eiginmanns síns, forsetans Juan Perón.
1976 - Seychelleseyjar fengu sjálfstæði frá Bretlandi.
1980 - Vigdís Finnbogadóttir var kjörin forseti Íslands, fyrst allra kvenna í heiminum til að verða þjóðkjörinn þjóðhöfðingi.

Mánuðirnir samkvæmt Gregoríska og Júlíska tímatalinu auk dagafjölda þeirra
Janúar (31) \| Febrúar (28 (29 á hlaupári)) \| Mars (31) \| Apríl (30) \| Maí (31) \| Júní (30) \| Júlí (31) \| Ágúst (31) \| September (30) \| Október (31) \| Nóvember (30) \| Desember (31)

sex