10. ágúst

10. ágúst er 222. dagur ársins (223. á hlaupári) samkvæmt gregoríska tímatalinu. 143 dagar eru eftir af árinu.

Atburðir

1779 - Rasmus Lievog hóf veðurathuganir á Álftanesi, sem voru með þeim fyrstu á Íslandi. Hann skráði athuganir sínar fjórum sinnum á sólarhring í sex ár.
1801 - Landsyfirréttur tók til starfa og kom að nokkru leyti í stað Alþingis, sem lagt var niður. Magnús Stephensen var fyrsti dómstjóri réttarins, sem starfaði til 22. desember 1919.
1927 - Stephan G. Stephansson skáld í Kanada lést. Eitt af þekktustu kvæðum hans er „Þótt þú langförull legðir“. Kvæðasafn hans heitir Andvökur.
1930 - Fyrsta sjúkraflug á Íslandi flaug Súlan er sjúkur piltur var fluttur úr Kjósinni til Reykjavíkur. Vélin lenti á Meðalfellsvatni í Kjós.
1975 - Guðlaug Þorsteinsdóttir varð fyrsti kvenskákmeistari Norðurlanda aðeins fjórtán ára gömul.
1984 - Bjarni Friðriksson varð í þriðja sæti og hlaut því bronsverðlaun í júdó á Ólympíuleikunum í Los Angeles í Bandaríkjunum.
1988 - Stríði Íraks og Írans lauk með friðarsamningum.
2002 - Frjálshyggjufélagið stofnað á Íslandi.

Mánuðirnir samkvæmt Gregoríska og Júlíska tímatalinu auk dagafjölda þeirra
Janúar (31) \| Febrúar (28 (29 á hlaupári)) \| Mars (31) \| Apríl (30) \| Maí (31) \| Júní (30) \| Júlí (31) \| Ágúst (31) \| September (30) \| Október (31) \| Nóvember (30) \| Desember (31)

sex